Ռուսաստանը չի հաղթելու Ուկրաինայի դեմ պատերազմում, իսկ նախագահ Վլադիմիր Պուտինը չպետք է խաղաղության որևէ համաձայնագրի պայմաններ թելադրի, Reuters-ի փոխանցմամբ՝ ասել է Գերմանիայի կանցլեր Օլաֆ Շոլցը։
«Պուտինը չպետք է հաղթի այս պատերազմում, և ես համոզված եմ, որ չի հաղթելու։ Ամբողջ Ուկրաինայի գրավումն այսօր շատ ավելի հեռու մի բան է թվում, քան պատերազմի սկզբում», - ասել է Շոլցը Դավոսում ընթացող Համաշխարհային տնտեսական համաժողովում ելույթ ունենալիս։
«Թելադրված խաղաղություն չի լինելու, - հավելել է Գերմանիայի կանցլերը։ - Ուկրաինան դա չի ընդունի, մենք՝ նույնպես»։
Նրա խոսքով՝ Պուտինը հավանաբար կսկսի լրջորեն բանակցել, երբ ընդունի, որ պատերազմում հնարավոր չէ հաղթել։
comment.count (0)