17:33 - 19 մարտի, 2022
ՄԱԿ-ը տեղյակ չէ Ուկրաինայում իրականացվող կենսաբանական զենքի որևէ ծրագրի մասին
ՄԱԿ-ը տեղյակ չէ Ուկրաինայում իրականացվող կենսաբանական զենքի որևէ ծրագրի մասին։ Այս մասին ուրբաթ օրը Անվտանգության խորհրդին ևս մեկ անգամ ասել է ՄԱԿ-ի գլխավոր քարտուղարի զինաթափման հարցերով տեղակալ Իզումի Նակամիցուն՝ պատասխանելով ՌԴ նոր մեղադրանքներին, որ նա հակառակի ապացույցներ ունի:
«ՄԱԿ-ը ոչինչ չգիտի Ուկրաինայում կենսաբանական զենքի որևէ ծրագրի մասին»,- ասել է Իզումի Նակամիցուն Մոսկվայի հրավիրած արտակարգ խորհրդակցության ժամանակ։
Նա նաև հիշեցրել է, որ 1972 թվականի Կենսաբանական զենքի կոնվենցիան արգելում է կենսաբանական և թունավոր զենքի մշակումը, արտադրությունը, ձեռքբերումը, փոխանցումը, պահեստավորումը և օգտագործումը: Ռուսաստանի Դաշնությունը և Ուկրաինան այս համաձայնագրի կողմեր են։ Նշված է ՄԱԿ պաշտոնական կայքում հրապարակված հաղորդագրության մեջ։
Զինաթափման հարցերով բարձր ներկայացուցիչն ընդգծել է, որ 1975 թվականի Կոնվենցիայի ուժի մեջ մտնելուց հետո կենսաբանական զենքն արգելված է եղել:
Ավելի վաղ ՌԴ ԶՈւ ճառագայթային, քիմիական և կենսաբանական պաշտպանության զորքերի պետ Իգոր Կիրիլովը հայտնել էր, որ Ռուսաստանը կարծում է՝ Ուկրաինայի տարածքում կենսաբանական զենքի բաղադրիչներ են ստեղծվել։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)