Ուկրաինայի մայրաքաղաք Կիևում օդի որակի վատթարացում է գրանցվել. փոշու կոնցենտրացիաների ավելցուկ կա։ Այս մասին գրում է մայրաքաղաքի թելեգրամյան պաշտոնական ալիքը։
Ըստ հաղորդագրության՝ պատճառը մայրաքաղաքի շրջակայքում, մասնավորապես՝ Բուչայի Գոստոմելի արդյունաբերական օբյեկտներում տեղի ունեցած հրդեհներն են, ինչպես նաև հրդեհի աղբյուրներից օդային զանգվածների տեղաշարժը և քամու ցածր արագությունը։
«Մթնոլորտում մարտի 19-ի գիշերը փոշու առավելագույն կոնցենտրացիան 2-3 անգամ գերազանցել է թույլատրելի սահմանը։ Մոնիտորինգի ենթարկված այլ աղտոտիչների կոնցենտրացիաները նույնպես աճել են, սակայն առավելագույն թույլատրելի սահմանի գերազանցում չի հայտնաբերվել։
Մարտի 19-ի առավոտվա դրությամբ օդի որակի աստիճանական բարելավվում է։ Թույլատրելի առավելագույն կոնցենտրացիաների ավելցուկներ չկան»,- նշված է հայտարարության մեջ։
Հաղորդագրությունում Կիևցիներին խորհուրդ է տրվում դուրս չգալ, փակել տան պատուհանները և դրանք խոնավ սավանով փակել և շատ ջուր խմել, և եթե կա օդը մաքրող սարք, ապա դնել այն առավելագույն աստիճանին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)