Կանադայի կառավարությունը պատժամիջոցներ է սահմանել ռուսաստանցի ևս 10 անձի նկատմամբ՝ Ուկրաինայում հատուկ ռազմական գործողության պատճառով։ ՏԱՍՍ-ի թոխանցմամբ՝ այս մասին երկուշաբթի օրը կայացած մամուլի ասուլիսում հայտարարել է Կանադայի վարչապետ Ջասթին Թրյուդոն։
«Այսօր Կանադան հայտարարում է նոր պատժամիջոցների մասին ևս 10 անձանց նկատմամբ, ովքեր ներգրավված են այս անհիմն ներխուժման մեջ: Ցուցակում ընդգրկված են նախկին և ներկա բարձրաստիճան պաշտոնյաներ, օլիգարխներ և Ռուսաստանի ղեկավարության կողմնակիցներ»,- ասել է նա։
Կանադայի իշխանությունները պատժամիջոցների ցուցակում ներառել են՝
- ՌԴ նախագահի մամուլի խոսնակ Դմիտրի Պեսկովին,
- RT-ի գլխավոր խմբագիր Մարգարիտա Սիմոնյանին,
- հեռուստահաղորդավար Վլադիմիր Սոլովյովին,
- Առաջին ալիքի գլխավոր տնօրեն Կոնստանտին Էրնստին,
- գործարար Օլեգ Դերիպասկային և այլ անձանց։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)