Կանադայի վարչապետ Ջասթին Թրյուդոն աջակցություն է հայտնել Ուկրաինային |tert.am|
10:17 - 03 մարտի, 2022

Կանադայի վարչապետ Ջասթին Թրյուդոն աջակցություն է հայտնել Ուկրաինային |tert.am|

tert.am: Կանադայի վարչապետ Ջասթին Տրյուդոն Ուկրաինայի նախագահ Վլադիմիր Զելենսկու հետ զրուցելուց հետո աջակցություն է հայտնել Ուկրաինային։ Նա այս մասին գրել է Twitter-ում:

«Վլադիմի՛ր, Կանադան և աշխարհը աջակցում են ձեզ և կոչ են անում անհապաղ դադարեցնել նախագահ Պուտինի անօրինական հարձակումները, որոնք հանգեցրել են քաղաքացիական անձանց մահվան»,- գրել է նա։

Կանադայի վարչապետը գրել է նաև Ռուսաստանի Դաշնության պատժամիջոցների շուրջ աշխատանքի մասին։

«Մենք կշարունակենք աշխատել դաշնակիցների և գործընկերների հետ՝ Ռուսաստանին պատասխանատվության ենթարկելու համար, ներառյալ խիստ և համակարգված պատժամիջոցները, և մենք կշարունակենք լինել Ուկրաինայի ժողովրդի կողքին: Մեր աջակցությունն անսասան է»,- հավելել է նա։


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել