Moderna-ն առաջիկա շաբաթներին կսկսի օմիկրոնի դեմ պատվաստանյութի կլինիկական փորձարկումները |armenpress.am|
21:18 - 17 հունվարի, 2022

Moderna-ն առաջիկա շաբաթներին կսկսի օմիկրոնի դեմ պատվաստանյութի կլինիկական փորձարկումները |armenpress.am|

armenpress.am: Ամերիկյան Moderna դեղագործական ընկերությունը առաջիկա մի քանի շաբաթվա ընթացքում կսկսի կորոնավիրուսի օմիկրոն շտամի դեմ իր պատվաստանյութի կլինիկական փորձարկումները։ Այս մասին հայտնում է «Ինտերֆաքսը»-ը՝ հղում անելով ընկերության գործադիր տնօրեն Ստեֆան Բանսելի հայտարարությանը։

«Պատվաստանյութի մշակումը մոտենում է ավարտին: Այն պետք է կլինիկական փորձարկումների ենթարկվի առաջիկա շաբաթների ընթացքում: Մենք հուսով ենք, որ մարտին կունենանք տվյալներ, որոնցով կարող ենք կիսվել մասնագետների հետ՝ հաջորդ քայլերը որոշելու համար», - ասել է Բանսելը Համաշխարհային տնտեսական ֆորումի (WEF) առցանց կոնֆերանսի ժամանակ։

Բացի այդ, Moderna-ի ղեկավարը նշել է, որ ընկերության նպատակն է մշակել ամենամյա խթանիչ, որն ուղղված կլինի ինչպես COVID-19-ի, այնպես էլ գրիպի դեմ:

«Այդ կերպ մարդիկ պահանջների բավարարման հետ կապված խնդիրներ չեն ունենա, երբ նրանք չեն ցանկանում ձմռանը երկու կամ երեք դեղաչափ պատվաստվել, հնարավորություն կունենան պատրաստել մեկ ուժեղ պատվաստանյութով, որը կպաշտպանի և՛ կորոնավիրուսից, և՛ գրիպից», - նշել է նա։

Նրա խոսքով՝ լավագույն սցենարի դեպքում նման խթանիչը կարող է հասանելի դառնալ մինչև 2023 թվականի աշունը, առնվազն մի քանի երկրներում։


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել