14:19 - 10 դեկտեմբերի, 2021
ԵԱՏՄ նիստին վարչապետը կարևորեց միության ներքին շուկայի զարգացումը |armenpress.am|
armenpress.am: ԵԱՏՄ փոխգործակցության գլխավոր ուղղություններից մեկը պետք է դառնա միության ներքին շուկայի զարգացումը: Եվրասիական տնտեսական բարձրագույն խորհրդի առցանց ռեժիմով նիստին այս մասին ասաց ՀՀ վարչապետ Նիկոլ Փաշինյանը:
«Առանց խոչընդոտների ներքին շուկայի զարգացումը կնպաստի մեր պետությունների տնտեսական աճին, մրցակցության բարձրացմանը, բիզնեսի ակտիվացմանը, լրացուցիչ աշխատատեղերի ստեղծմանը, գործազրկության կրճատմանը: Ինտեգրացիոն գործընթացների ակտիվացումն ու խորացումը կնպաստեն Միության պետությունների տնտեսությունների կառուցվածքային վերափոխումներին և դրանց արդիականացմանը և դիվերսիֆիկացմանը, որը կարևոր նշանակություն ունի համաշխարհային գների տատանման, գլոբալ տնտեսության ճգնաժամերի խորացման պայմաններում»,- նշեց Փաշինյանը:
Վարչապետի խոսքով` ծառայությունների առևտուրը, որը դարձել է դինամիկ բաղադրիչ ժամանակից համաշխարհային տնտեսությունում, արտահանման դիվերսիֆիկացման նոր խթան է հանդիսանում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)