Ադրբեջանի և Իրանի ԱԳ նախարարները քննարկել են տարածաշրջանային իրավիճակը |azatutyun.am|
14:06 - 24 սեպտեմբերի, 2021

Ադրբեջանի և Իրանի ԱԳ նախարարները քննարկել են տարածաշրջանային իրավիճակը |azatutyun.am|

azatutyun.am: Նյու Յորքում հանդիպել են Ադրբեջանի և Իրանի արտգործնախարարները և քննարկել երկկողմ հարաբերությունների հարցերը, ինչպես նաև տնտեսական, էներգետիկ, առևտրային, գյուղատնտեսական և այլ ոլորտներում համագործակցության հեռանկարները։

«Կողմերը քննարկել են նաև տարածաշրջանային ներկայիս իրավիճակը», - ասվում է Ադրբեջանի արտգործնախարարության հաղորդագրությունում։

Ինչ վերաբերում է երկու հարևան երկրների միջև վերջին շաբաթներին ստեղծված լարվածությանը, ոչ պաշտոնական Բաքվի, ոչ էլ Թեհրանի տարածած հաղորդագրություններում դրան անդրադարձ չկա։

Իրանի դիվանագիտական գերատեսչությունը միայն հաղորդում է, որ նախարար Հոսսեյն Ամիր Աբդոլլահիանը Ջեյհուն Բայրամովի հետ հանդիպմանը Ադրբեջանի իշխանություններին կոչ է արել ավելի մեծ ջանքեր գործադրել գոյություն ունեցող պայմանավորվածությունների իրականացման համար։ «Նա նաև ընդգծել է, որ երկու երկրները չպետք է թույլ տան երրորդ երկրներին խառնվել Ադրբեջանի և Իրանի խաղաղ հարաբերություններին», - նաև ասվում է Իրանի արտգործնախարարության հաղորդագրությունում։



Կարդալ նաև


comment.count (0)

Մեկնաբանել