20:35 - 26 հուլիսի, 2021
Գրոսմայստեր Հայկ Մարտիրոսյանը պարտվել է աշխարհի գավաթի խաղարկության 1/8 եզրափակչի երկրորդ խաղում |armenpress.am|
armenpress.am: Հայաստանի շախմատի տղամարդկանց թիմի անդամ, գրոսմայստեր Հայկ Մարտիրոսյանը պարտվել է աշխարհի գավաթի խաղարկության 1/8 եզրափակչի երկրորդ դասական պարտիայում:
Ռուսական Սոչի քաղաքում ընթացող շախմատի աշխարհի գավաթի խաղարկության 1/8 եզրափակիչի դասական երկրորդ պարտիայում Մարտիրոսյանը սպիտակ խաղաքարերով մրցել է Իրանից Ամին Տաբատանաեի հետ: Երկրորդ պարտիան ավարտվել է Մարտիրոսյանի պարտությամբ:
Քառորդ եզրափակիչի մասնակիցը կորոշվի թայ-բրեյքում:
Պայքարից դուրս են մնացել Գաբրիել Սարգսյանը, Շանթ Սարգսյանը, Հովհաննես Գաբուզյանը և Էլինա Դանիելյանը: Իսկ ավելի վաղ հայտնի էր դարձել, որ գրոսմայստեր Լևոն Արոնյանն առհասարակ չի մասնակցի աշխարհի գավաթի խաղարկությանը առողջական խնդիրների պատճառով: Արոնյանն աշխարհի գործող գավաթակիրն է:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)