Մակրոնը մեկնաբանել է Ֆրանսիայում կորոնավիրուսի տարածումը կանխելուն ուղղված քայլերի դեմ լայնածավալ ցույցերը |tert.am|
16:54 - 25 հուլիսի, 2021

Մակրոնը մեկնաբանել է Ֆրանսիայում կորոնավիրուսի տարածումը կանխելուն ուղղված քայլերի դեմ լայնածավալ ցույցերը |tert.am|

tert.am: Ֆրանսիայի նախագահ Էմանուել Մակրոնը, մեկնաբանելով երկրում կորոնավիրուսի տարածումը կանխելուն ուղղված քայլերի դեմ լայնածավալ ցույցերը, ազգին միասնության կոչ է արել և ընդգծել է, որ առանց պարտավորությունների ազատություն գոյություն չունի, գրել է ria.ru-ն։

«Ոչ մի ազատություն չի կարող գոյություն ունենալ առանց պարտավորությունների։ Չկա ազատություն, երբ ոչ մի պարտավորություն չունեմ դիմացինիս նկատմամբ: Իմ ազատությունը ավարտվում է այնտեղ, որտեղ սկսվում է մյուսի ազատությունը։ Այն հիմնված է փոխադարձ պարտականությունների վրա։ Եթե դուք չեք ցանկանում պատվաստվել, ապա վաղը կարող եք վարակել ձեր հորը, մորը կամ ինձ։ Ուրեմն, ես կդառնամ ձեր ազատության զոհը, մինչ դուք հնարավորություն ունեիք պաշտպանել ձեզ և ինձ։ Դա ազատություն չէ, դա կոչվում է անպատասխանատվություն և եսասիրություն»,- հայտարարել է Մակրոնը։

Ֆրանսիայի առաջնորդը նաև համախմբման կոչ է արել՝ նշելով, որ հարգալից է վերաբերվում այն մարդկանց, ովքեր կասկածներ ունեն պատվասանյութերի վերաբերյալ:

«Ես հարգում եմ կասկածները։ Կարծում եմ, որ կասկածներին պետք է փարատել համբերությամբ։ Դրա հետ մեկտեղ ես արձանագրում եմ, որ բողոքի ակցիաների ժամանակ կան մարդիկ, որոնք գործում են ոչ ռացիոնալ, ցինիկաբար և մանիպուլյացիաների են դիմում»,- ընդգծել Է Մակրոնը:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել