21:07 - 18 հունիսի, 2021
Հոգեկան առողջության կենտրոնի պացիենտները հանրահավաքին չեն մասնակցել, կենտրոնի տնօրենը դիմել է ՄԻՊ-ին. Հռիփսիմե Խաչատրյան
Առողջապահության նախարարի մամուլի խոսնակ Հռիփսիմե Խաչատրյանը հերքեց մամուլում տարածված այն տեղեկությունը, թե Սեւան քաղաքի Հոգեկան առողջության կենտրոնի պացիենտներին միկրոավտոբուսներով երեկ տեղափոխել են Երևան՝ մասնակցելու Նիկոլ Փաշինյանի հանրահավաքին:
«Անթույլատրելի ենք համարում հոգեկան առողջության խնդիրներ ունեցող անձանց իրավունքների ոտնահարումը, քաղաքական խաղերում նրանց շահարկելը»,-ասաց նա։
Հռիփսիմե Խաչատրյանը հավելեց, որ Սեւանի Հոգեկան առողջության կենտրոնի տնօրենն այդ հարցով դիմել է Մարդու իրավունքների պաշտպանին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)