14:01 - 13 մարտի, 2021
Կորոնավիրուսով պայմանավորված՝ Իտալիան անցնում է խիստ սահմանափակումների |1lurer.am|
1lurer.am: Երկուշաբթի օրվանից Իտալիան կրկին խստացված սահմանափակումների է անցնում՝ փոխանցում է BBC-ն:
Կորոնավիրուսի նոր ալիքի բռնկման պատճառով կփակվեն դպրոցները, ռեստորաններն ու խանութները: Վարակման դեպքերի աճի մասին զգուշացրել է Իտալիայի վարչապետ Մարիո Դրագին:
Երկրի իշխանությունները քաղաքացիներին հորդորում են մնալ տանը՝ բացառությամբ աշխատավայր և բուժհաստատություններ այցելելուց:
Ապրիլի 3-5-ը Իտալիան կանցնի կոշտ լոքդաունի: Եվրոպական այս երկրում արձանագրվել է մահվան ավելի քան 100 հազար դեպք: Մահացության ցուցանիշով Իտալիան Եվրոպայում երկրորդն է Մեծ Բրիտանիայից հետո:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)