14:23 - 28 փետրվարի, 2020
Պետք է շտկենք առկա բացթողումները, որոնք դժվար շտկվելիք խնդիրներ են. Անդրանիկ Քոչարյանը՝ բանակում ինքնասպանությունների մասին |aysor.am|
aysor.am: Փետրվար ամիսը բանակի համար շատ ծանր ամիս էր, լրագրողների հետ ճեպազրույցում ասաց ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:
«Պետք է հասնել նրան, որ զինված ուժերում ինքնասպանության որևէ դեպք չլինի: Մեր զինված ուժերն այսօր մեր անվտանգության երաշխավորն են: Այդ մթնոլորտը կապված է շատ հանգամանքերից, ունեցել ենք բաթողումներ, որոնք պետք է շտկենք, բայց դրանք դժվար շտկվելիք խնդիրներ են, որովհետև առնչվում ենք իրավական, հոգեբանական և այլ շատ խնդիրների», - ասաց Քոչարյանը:
Վերջինս նշեց, որ հոգեբանների հետ է հանդիպել՝ քննարկելու զինծառության անցածների հոգեբանական խնդիրները:
«Խնդրել եմ, որպեսզի պատրաստեն ինձ համար 18 տարեկանների սթրեսոգեն վիճակը, երբ նրանք անցնում են ծառայության, այդ վիճակի գնահատականներն եմ խնդրել, որպեսզի ծրագիր մշակենք և քննարկենք ծառայության բնույթը ու ծանրությունն ամբողջ խորությամբ: Պիտի հասնենք նրան, որ ԶՈՒ-երում չլինեն ինքնասպանություններ», - ասաց Քոչարյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)