Պատրաստ ենք Լոնդոնին ևս մեկ տարկետում տալ Brexit-ի հարցում. Հայկո Մաաս |shantnews.am|
14:15 - 29 սեպտեմբերի, 2019

Պատրաստ ենք Լոնդոնին ևս մեկ տարկետում տալ Brexit-ի հարցում. Հայկո Մաաս |shantnews.am|

shantnews.am: Եթե Մեծ Բրիտանիային Եվրամիությունից դուրս գալու գործընթացը հետաձգելու ևս մեկ հայտ ուղարկի, Գերմանիան պատրաստ է ընդառաջել և որոշակի պայմաններում ընդունել այդ հայտը: Այս մասին հայտարարել է Գերմանիայի արտաքին գործերի նախարար Հայկո Մաասը:

«Մենք այդ հայտը կդիտարկենք կառուցողական մոտեցմամբ: Մենք հստակ նպատակ ունենք՝ Մեծ Բրիտանիայի հետ միասնական դիրքորոշման հասնել», – ասել է նախարարը:
Միաժամանակ գերմանացի նախարարը ակնարկել է, որ այդ հայտում բրիտանական կողմը պետք է հստակ հեռանկարներ մատնանշի, քանի որ Եվրամիությունը չի կարող անորոշության մեջ մնալ երկար ժամանակ. դա խանգարում է Միության աշխատունակությանը:

Բայց Գերմանիայի այս դիրքորոշումը բավարար չէ, ֆորմալ առումով անհրաժեշտ է ԵՄ անդամ բոլոր պետությունների համաձայնությունը: Այդտեղ մեծ դեր ունի ԵՄ մյուս հիմնասյունի՝ Ֆրանսիայի դիրքորոշումը: Պաշտոնական Փարիզը, սակայն, արդեն հայտնել է, որ ևս մեկ հետաձգումը լուծում չէ իրենց համար, քանի դեռ հստակ որոշված չեն հեռանկարները:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել