ԲԸՏՄ աշխատակիցները տասնյակից ավելի կախովի ցանցեր են առգրավել Արարատի մարզի ջրային տարածքներում
17:08 - 19 ապրիլի, 2020

ԲԸՏՄ աշխատակիցները տասնյակից ավելի կախովի ցանցեր են առգրավել Արարատի մարզի ջրային տարածքներում

Բնապահպանության և ընդերքի տեսչական մարմնի կենդանական աշխարհի վերասկողության և Արարատի տարածքային բաժինների աշխատակիցներն ապրիլի 18-ին ստուգայց են կատարել ՀՀ Արարատի մարզի ջրային տարածքներում, մասնավորապես՝ Ռանչպարի և Հովտաշենի ջրամբարտակների, Սևջուր, Հրազդան գետերի տարբեր հատվածներում։ Առգրավվել են տասնյակից ավելի կախովի ցանցեր («էկրաններ»), դնովի ցանց, տարվել է բացատրական աշխատանք, տրվել նախազգուշացումներ։ Այս մասին տեղեկացրին Բնապահպանության և ընդերքի տեսչական մարմնից։

«Ստուգայցերը կրելու են պարբերական բնույթ, կկիրառվեն պատասխանատվության միջոցներ։
Շնորհակալություն ենք հայտնում օրինապահ ձկնորսներին համագործակցության համար»,- ասված է հաղորդագրության մեջ։


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

comment.count (0)

Մեկնաբանել