ԱԱԾ նախկին տնօրեն, գնդապետ, ՀՖՖ նախկին նախագահ։ Ծնվել է 1979թ․ դեկտեմբերի 8-ին։ Արթուր Վանեցյանը սովորել է Հայաստանի Պետական Ագրարային համալսարանում: Այնուհետեւ մեկնել է Ռուսաստանի Դաշնություն եւ ուսումը շարունակել Սանկտ Պետերբուրգի արտաքին տնտեսական կապերի եւ իրավունքի համալսարանում, Ռուսաստանի Դաշնության Դաշնային անվտանգության ծառայության ակադեմիայում:
2000-2003 թվականներին աշխատել է ՀՀ ԱԱԾ Արարատի մարզային վարչությունում որպես Մասիսի բաժնի օպերլիազոր: 2003-2009 թվականներին աշխատել է ՀՀ ԱԱԾ հակահետախուզության գլխավոր վարչությունում՝ սկզբում որպես ավագ օպերլիազոր, այնուհետեւ՝ որպես գլխավոր վարչության պետի օգնական, բաժանմունքի պետ: 2009 – 2016 թվականներին աշխատել է Երեւանի քաղաքային վարչությունում որպես Էրեբունի եւ Նուբարաշեն վարչական շրջանների բաժնի պետ: 2016-2018 թվականներին զբաղեցրել է ՀՀ ԱԱԾ Երեւանի քաղաքային վարչության պետի տեղակալի պաշտոնը:
2018 թվականի մայիսի 10-ին ՀՀ վարչապետ Նիկոլ Փաշինյանի առաջադրմամբ եւ ՀՀ նախագահ Արմեն Սարգսյանի հրամանագրով նշանակվել է ՀՀ Ազգային անվտանգության ծառայության տնօրեն:
2019 թվականի սեպտեմբերի 16-ին ազատվել է ՀՀ Ազգային անվտանգության ծառայության տնօրենի պաշտոնից: