17:43 - 12 մայիսի, 2021
Համոզված ենք, որ ՀՀ-ում ընտրությունները կանցկացվեն բաց ու թափանցիկ. Վրաստանի վարչապետ |armenpress.am|
armenpress.am: Վրաստանը համոզված է, որ Հայաստանում արտահերթ խորհրդարանական ընտրությունները կանցկացվեն բաց և թափանցիկ: Այս մասին ասաց Վրաստանի վարչապետ Իրակլի Ղարիբաշվիլին՝ Երևանում ՀՀ վարչապետի պաշտոնակատար Նիկոլ Փաշինյանի հետ համատեղ ճեպազրույցում:
«Հայաստանի կայունությունն ու ժողովրդավարական զարգացումն անչափ կարևոր է Վրաստանի և ողջ տարածաշրջանի համար: Մենք համոզված ենք, որ արտահերթ խորհրդարանական ընտրությունները կանցկացվեն բաց և թափանցիկ, և հայ ժողովուրդը մեկ անգամ ևս ցույց կտա աշխարհին իր հավատարմությունը՝ ժողովրդավարության սկզբունքներին»,-ասաց Ղարիբաշվիլին:
Նիկոլ Փաշինյանի հետ հանդիպման ընթացքում կողմերը պատրաստակամություն են հայտնել հանդիպումները շարունակել, բարձր մակարդակի փոխայցելությունների դինամիկան պահպանել և նպաստել ոլորտային գերատեսչությունների համագործակցությանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)