13:08 - 10 մայիսի, 2021
2018-21թթ․ ընթացքում Հայոց ցեղասպանությունը ճանաչող եւ դատապարտող 9 հռչակագիր է ընդունվել․ Նիկոլ Փաշինյան
Ազգային ժողովում հատուկ նիստի ժամանակ իր ելույթում Նիկոլ Փաշինյանը նկատեց՝ կասկածի տակ է դրվում խորհրդարանական մեծամասնության եւ կառավարության վերաբերմունքը Հայոց ցեղասպանության նկատմամբ։ Այս կոնտեքստում նա որոշակի տվյալներ ներկայացրեց․
«2018-21թթ․ ընթացքում Հայոց ցեղասպանությունը ճանաչող եւ դատապարտող 9 հռչակագիր է ընդունվել, 2008-18թթ․՝ տասը տարվա ընթացքում, ընդ որում՝ այդ տարիների ընթացքում Ցեղասպանության 100-րդ տարելիցը նույնպես կա, 20 այդպիսի բանաձեւ է ընդունվել․ այսինքն՝ 3 տարվա ընթացքում արվել է 10 տարվա ժամանակաշրջանում արվածի 40-50%-ի չափով աշխատանք։ Տեղի է ունեցել, թերեւս, Ցեղասպանության միջազգային ճանաչման գործում գլխավոր եւ շրջադարձային իրադարձություններից մեկը․ ԱՄՆ Վերին եւ Ստորին պալատներն ընդունել են Հայոց ցեղասպանությունը, Ցեղասպանությունն ընդունվել է ԱՄՆ նախագահի կողմից»,- ասաց Փաշինյանը՝ շեշտելով, որ եթե ՀՀ կառավարությունը չուզենար, որ այս բանաձեւն ընդունվի, դա միանշանակ տեղի կունենար։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)