18:31 - 05 մայիսի, 2021
Տեր-Պետրոսյանը որոշել է անել ավազակապետական հեղափոխություն. Փաշինյան |armenpress.am|
armenpress.am: ՀՀ վարչապետի պաշտոնակատար Նիկոլ Փաշինյանի կարծիքով` առաջին նախագահ Լևոն Տեր-Պետրոսյանը որոշել է անել ավազակապետական հեղափոխություն: Այս մասին Փաշինյանն ասաց Ազգային ժողովում կառավարության հետ հարցուպատասխանի ընթացքում՝ անդրադառնալով առաջին նախագահի հայտարարության վերաբերյալ «Իմ քայլը» խմբակցության անդամ Վահագն Ալեքսանյանի հարցին:
«Լևոն Տեր-Պետրոսյանն իր ընդդիմադիր քաղաքական գործունեության ընթացքում երկու անգամ փորձել է անել իշխանափոխություն կամ հեղափոխություն, մեկը եղել է 2008թ. ժողովրդավարական հեղափոխությունը, որը չի ստացվել, երկրորդը եղել է բուրժուա-դեմոկրատական հեղափոխությունը, որի ճակատագիրը բոլորս գիտենք: Պարոն Տեր-Պետրոսյանը որոշել է կրկին փորձել և այս անգամ անել ավազակապետական հեղափոխություն»,- ասաց Փաշինյանը:
Փաշինյանը վստահեցրեց, որ ավազակապետական հեղափոխությունը չի ստացվի:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)