19:58 - 30 ապրիլի, 2021
Սիրիայի հյուսիսում գտնվող թուրքական բազան հարձակման է ենթարկվել անհայտ ինքնաթիռի կողմից |tert.am|
tert.am: Անհայտ ինքնաթիռը ռմբակոծել է Սիրիայի հյուսիսային Ռաքքա նահանգում գտնվող Թուրքիայի զինված ուժերի բազան: Վերջին ամիսներին թուրքական զորքերը և, այսպես կոչված, Սիրիայի ազգային բանակի զինյալները հարձակողական գործողություն էին իրականացնում այս նահանգի Այն Իսսա քաղաքի մատույցներում Միացյալ Նահանգների հովանավորությամբ գործող Քրդական ժողովրդական ինքնապաշտպանության ուժերի դեմ: Այս մասին գրում է EADaily լրատվականը` հղում տալով Fars գործակալությանը:
Արաբական RT հեռուստաալիքը, հղում տալով քրդական Hawar լրատվական ծառայության հրապարակած զեկույցին, հայտնում է, որ հինգշաբթի երեկոյան «անհայտ ինքնաթիռը» հարվածել է Այն Իսսայի մատույցներին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)