armtimes.com: ՀՀ գլխավոր դատախազության մոտ իրավիճակը լարվել է. այնտեղ ակցիա անցկացնող անձանց եւ ոստիկանների միջեւ հրմշտոց է սկսվել: Իրավիճակը լարվեց այն պատճառով, որ ակցիայի մասնակիցները փորձեցին մուտք գործել դատախազության շենք՝ միաժամանակ ձվեր եւ այլ առարկաներ նետելով տարածքում հսկողություն իրականացնող ոստիկանների ուղղությամբ:
Մեղրիի քաղաքապետի ձերբակալման որոշման մասին տեղեկանալուց հետո ընդդիմադիր ուժերը, ի պաշտպանություն սյունեցիների, ժամը 18:30 Արամ Մանուկյանի արձանի հարակից տարածքում ակցիա իրականացրեցին:
ՀՅԴ ԳՄ անդամ Իշխան Սաղաթելյանը, ով ակցիայի կազմակերպիչներից մեկն էր, լրագրողների հետ զրույցում հայտնեց, որ հանրահավաքի նպատակը սյունեցիների կողքին լինելն է.
«Մենք կշարժվենք նաեւ դատախազություն, որտեղ հստակ պահանջներ կհնչեցնենք: Այսօր քննչականում տեղի ունեցած այդ խայտառակությունը պետք է ստանա արժանի պատասխան»,-հայտարարեց Սաղաթելյանը: Այնուհետև ակցիայի մասնակիցները քայլերթով շարժվեցին ՀՀ գլխավոր դատախազություն, որտեղ պահանջեցին հանդիպում գլխավոր դատախազ Արթուր Դավթյանի հետ:
comment.count (0)