Զինված ուժերի գլխավոր շտաբի պետի նախկին առաջին տեղակալ Տիրան Խաչատրյանը դիմել է Վարչական դատարան՝ Արշակ Կարապետյանին իրավունքի ուժով Գլխավոր շտաբի պետի առաջին տեղակալի պաշտոնին նշանակելու իրավահարաբերության բացակայությունը ճանաչելու պահանջով: Այս մասին տեղեկանում ենք «Դատալեքս» հարթակից։
Հայցադիմումը մակագրվել է դատավոր Հրաչ Այվազյանին:
Հիշեցնենք, որ փետրվրի 24-ին Տիրան Խաչատրյանն ազատվել է ԶՈՒ ԳՇ պետի առաջին տեղակալի պաշտոնից։ Ապրիլի 13-ին կառավարությունը հայտնել է՝ քանի որ ՀՀ նախագահը չի ստորագրել վարչապետի ներկայացրած նախագիծը՝ Արշակ Կարապետյանին այդ պաշտոնում նշանակելու վերաբերյալ, և այն չի ուղարկել Սահմանադրական դատարան, Արշակ Կարապետյանն իրավունքի ուժով համարվում է ԶՈՒ ԳՇ պետի առաջին տեղակալ։
comment.count (0)