«Զինվորական ծառայության և զինծառայողի կարգավիճակի մասին» օրենքի սահմանադրականությունը որոշելու հարցը ՍԴ-ն կքննի հունիսի 1-ին
Հանրապետության նախագահի դիմումի հիման վրա՝ «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 3-րդ մասի սահմանադրականությունը որոշելու հարցը Սահմանադրական դատարանը կքննի հունիսի 1-ին՝ ժամը 11:00-ին:
ՍԴ որոշման մեջ նշված է, որ գործով զեկուցող է նշանակվել Սահմանադրական դատարանի դատավոր Ա. Պետրոսյանը: Գործի դատաքննությունն անցկացվելու է գրավոր ընթացակարգով: Այս գործով որպես պատասխանող կողմ հանդես կգա ՀՀ Ազգային ժողովը:
Հիշեցնենք՝ մարտի 10-ին Հանրապետության նախագահ Արմեն Սարգսյանը դիմել էր ՍԴ՝ «Զինվորական ծառայության և զինծառայողի կարգավիճակի մասին» օրենքի սահմանադրականությունը որոշելու խնդրանքով:
comment.count (0)