13:17 - 26 մարտի, 2021
Եթե Տավուշի սահմաններին որևէ վտանգ լինի, ես առաջինը կբարձրաձայնեմ. մարզպետ |1lurer.am|
1lurer.am: Տավուշի սահմաններին հանգիստ է, որևէ սահմանային փոփոխություն չկա, չկա նաև դրա վերաբերյալ որևէ քննարկում: Այդ մասին լրագրողների հետ ճեպազրույցում ասաց Տավուշի մարզպետ Հայկ Չոբանյանը:
«Բացառում եմ Տավուշի մարզից տարածք հանձնելու որևէ գործընթաց, քանի դեռ ես ապրում եմ այնտեղ, և ես եմ այդ մարզի պատասխանատուն, և եթե որևէ վտանգ լինի, ես առաջինը կբարձրաձայնեմ: Հայ ժողովրդի համար այս թեման պետք է փակ լինի, պետք չէ թշնամու ջրաղացին ջուր լցնել»,- ընդգծեց մարզպետը:
Ինչ վերաբերում է ռուս զինծառայողների ներկայությանը մարզում, Չոբանյանն ասաց, որ դա կապված է եղել ՊՆ և ԳՇ գործառույթների և պարտականությունների կատարման հետ: Նա հորդորեց այդ հարցով դիմել ՊՆ-ին և ԳՇ-ին:
«Մենք պատերազմական երկիր ենք, և կան հարցեր, որոնք քննարկման ենթակա չեն, թող պատասխանատու գերատեսչությունը որոշի՝ տեղեկություն տալ թե ոչ»,- ասաց մարզպետը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
![#մարzoom [օր 7]. Բարեկամավանի միակ շրջանավարտն ու «Ծիածան»-ի պատանի կիթառահարները](https://cdn.infocom.am/enlarge?file=2022-07-05-3581722d-517e-4e99-b77b-9b5cb8d2bc1a.jpg&type=jpeg&width=410&height=230)
comment.count (0)