17:31 - 06 մարտի, 2021
Սկսվել է Գյումրի-Երևան ճանապարհի Լանջիկի հատվածի փոսալցումը. այն դարձվում է բավարար երթևեկելի
Շիրակի մարզպետ Հովհաննես Հարությունյանի հետ օրերս կայացած հանդիպման ընթացքում ձեռքբերված պայմանավորվածության համաձայն Սինոհիդրո ընկերությունը սկսել է Գյումրի-Երևան ճանապարհի Լանջիկի հատվածի փոսալցման և ճանապարհը բավարար երթևեկելի դարձնելու աշխատանքները։ Դրանք կրելու են շարունակական բնույթ։ Այս մասին տեղեկացնում է Շիրակի մարզպետարանը:
Ընկերությունն առաջիկա մեկ ամսում կգործարկի ասֆալտ պատրաստող արտադրամաս, որը ժամում 230 տոննա ասֆալտ է արտադրելու։
Սինոհիդրո ընկերությունն իրականացնում է Հյուսիս-Հարավ ճանապարհային միջանցքի ներդրումային ծրագրի Տրանշ-3՝ Թալին-Լանջիկ-Լանջիկ-Գյումրի ճանապարհահատվածի շինարարական աշխատանքները։ Շիրակի մարզում՝ Լանջիկ-Գյումրի հատվածում, այն կազմում է 27,5 կմ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)