13:09 - 13 փետրվարի, 2021
Վրաստանը Թուրքիա է վերադարձրել մոտ 24,5 տոննա վտանգավոր կարտոֆիլը |shantnews.am|
shantnews.am: Վրաստանի մաքսային ծառայության աշխատակիցները կասեցրել են Թուրքիայից երկիր 24,5 տոննա վարակված կարտոֆիլի ներմուծումը: Այս մասին ասված է Վրաստանի ֆինանսների նախարարության եկամուտների ծառայության հայտարարության մեջ:
Կարտոֆիլը չի անցել վնասակար միկրոօրգանիզմների լաբորատոր փորձարկումները, ինչից հետո ապրանքի ներմուծումը կասեցվել է։
Նախարարության տվյալներով՝ փորձ է արվել Սարպիի անցակետով տեղափոխել մարդու առողջության համար վտանգավոր 24500 կիլոգրամ կարտոֆիլ:
Սանիտարական, բուսասանիտարական և անասնաբուժական վերահսկողության վարչության աշխատակիցները կարտոֆիլում հայտնաբերել են կարտոֆիլի քաղցկեղի հարուցիչ`ախտածին սունկ (Synchytrium endobioticum):
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)