15:30 - 10 փետրվարի, 2021
Ռուս խաղաղապահները Արցախի օդանավակայանը պատրաստում են գործարկման․ Ստեփանակերտ-Մոսկվա թռիչը տեխնիկական հարց է |hetq.am|
hetq.am: Արցախում ռուս խաղաղապահները մեծ թափով շինարարական աշխատանքներ են իրականացնում, այդ թվում՝ Ստեփանակերտի օդանավակայանի հարակից տարածքներում։ Խաղաղապահները Արցախի տարածքում ավաններ են կառուցում։ Արցախի նախագահի աշխատակազմի ղեկավար Արտակ Բեգլարյանը հայտնեց, որ մեծ ծավալի շինարարություն արդեն ավարտին են հասցրել։ Օդանավակայանի և դրան հարող տարածքներում բնակվելու համար ավաններ են կառուցում, իսկ օդանավակայանը պատրաստում են գործարկման։
Օդանավակայանից պլանավորված է ռազմականից բացի իրականացնել նաև քաղաքացիական թռիչքներ, հումանիտար նպատակներով օգտագործել։
Հարցին՝ տեխնիկական վերազինումը հասկանալի է, բայց քաղաքական որոշում էլ է պետք վերագործարկման համար, Արտակ Բեգլարյանը պատասխանեց․
«Որքան հասկանում եմ որոշակի քաղաքական հարցեր կան, որոնք եռակողմ պայմանավորվածության քննարկումների շրջանակներում են։ Բայց դրական միտումը ու հիմքը կա, և իմ հույսը այն է, որ առաջիկայում հարցն ամբողջապես կլուծվի»։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)