15:18 - 10 փետրվարի, 2021
Էրդողանի խոսքով՝ «Կիպրոսում պետք է երկու առանձին պետություն ստեղծվի» |azatutyun.am|
azatutyun.am: «Կիպրոսում միասնական դաշնային պետության ստեղծումը բացառվում է», - այսօր Անկարայում իշխող «Արդարություն և զարգացում» կուսակցության խորհրդարանական խմբակցության նիստի ժամանակ հայտարարել է Թուրքիայի նախագահ Ռեջեփ Թայիփ Էրդողանը։
«Ընդունելի՞ կլինի դա Հունաստանի համար, թե՞՝ ոչ, սակայն, Կիպրոսի խնդրի միակ լուծումը երկու առանձին պետությունների ստեղծումն է», - ասել է Էրդողանը։
Թուրքիայի նախագահը նաև հայտարարել է, թե չի պատրաստվում հանդիպել Հունաստանի վարչապետ Կիրիակոս Միցոտակիսի հետ։
«Հունաստանի վարչապետը պետք է իր չափը ճանաչի», - «Ռոյթերս» գործակալության փոխանցմամբ, հայտարարել է Թուրքիայի նախագահը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)