10:52 - 19 հունվարի, 2021
Հոկեյի միջազգային ֆեդերացիան Բելառուսին զրկել է հոկեյի աշխարհի առաջնությունն անցկացնելու իրավունքից
Երեկ Հոկեյի միջազգային ֆեդերացիան հայտարարել է, որ զրկում է Մինսկին 2021թ․ հոկեյի աշխարհի առաջնությունն անցկացնելու իրավունքից։ Ֆեդերացիան այդ որոշումը բացատրել է անվտանգության հետ կապված խնդիրներով, որոնք, ըստ հայտարարության, իրենց վերահսկողությունից դուրս են։ Ի սկզբանե, առաջնությունը պետք է կայանար Բելառուսում և Լատվիայում 2021թ․ մայիսին ու հունիսին։ Այս մասին հայտնում է ֆեդերացիայի պաշտոնական կայքէջը։
Հիշեցնենք, որ նախքան դա մի շարք հովանավոր կազմակերպություններ, այդ թվում՝ Škoda, Nivea և Liqui Moly, հրաժարվել էին հովանավորել առաջությունը՝ հաշվի առնելով Բելառուսի իշխանությունների վերաբերմունքը ամիսներ տևող բողոքի ակցիաների մասնակիցներին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)