armtimes.com: Սեւ ծովում ՝ Թուրքիայի ափերի մոտ ռուսական բեռնատար նավ է խորտակվել, զոհվել է անձնակազմի 2 անդամ: Այս մասին հայտնում է РИА Новости գործակալությունը՝ հղում անելով թուրքական  Anadolu գործակալությանը, որի հետ զրույցում նահանգապետ Բարտին Սինան Գյուները հայտնել է.

 «Մեր նահանգի Ինկումու շրջանում խորտակվել է ռուսական դրոշով բեռնատար նավ: Մենք սկսել ենք ծավալել փրկարարական գործողություն ՝ երեք փրկարարական նավակներում անձնակազմի 15 անդամների հայտնաբերման ու փրկման համար»:

 Ըստ նահանգապետի, եղանակային անբարենպաստ պայմանները բարդացրել  են փրկարարական գործողությունը:

Անկարայում Ռուսաստանի դեսպանատնից հայտնել են, որ իրենք ուսումնասիրում են դեպքի հանգամանքները եւ փորձում հստակեցնել անձնակազմի անդամների ճակատագիրը: