Կարանտինի երկարաձգումը արդարացված է. Գայանե Սահակյան |1lurer.am|
12:36 - 12 հունվարի, 2021

Կարանտինի երկարաձգումը արդարացված է. Գայանե Սահակյան |1lurer.am|

1lurer.am: Համաճարակային իրավիճակը ինչպես ամբողջ աշխարհում, այնպես էլ Հայաստանում շարունակում է լարված մնալ: Այդ պատճառով ամանորյա տոներին շատ երկրներում խստացվեցին հակահամաճարակային միջոցառումները:

Ըստ ՀՀ առողջապահության նախարարության հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, իմունականխարգելման  ազգային ծրագրի ղեկավար Գայանե Սահակյանի՝ գիտնականները չեն բացառում կորոնավիրուսի համավարակի երրորդ ալիքը:

Հայաստանում ամանորյա տոներին նկատվել է համաճարակային իրավիճակի  կայունացում: Համեմատելով վարակի վերարտադրման նախորդ 14 օրվա 0,84 ցուցանիշը՝ դրան նախորդող օրերի 1,43 ցուցանիշի հետ՝ նվազումն ակնհայտ է՝ ասում է Գայանե Սահակյանը:

Ըստ մասնագետի՝ թեստավորման թվի նվազում  չկա, պարզապես նվազել է դրական թեստերի տեսակարար կշիռը:

Սակայն հաշվի առնելով տոնական օրերի շփումների ակտիվությունը և դպրոցների վերաբացումը՝ հնարավոր է վարակի աշխուժացում: Այնպես որ, կարանտինի երկարաձգումը արդարացված է:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել