Արմեն Գրիգորյանի, Հրանտ Թոխատյանի և Մհեր Մկրտչյանի նախաձեռնությամբ վաղը Ազատության հրապարակից մեկնարկում է միաբանության երթ
21:50 - 28 նոյեմբերի, 2020

Արմեն Գրիգորյանի, Հրանտ Թոխատյանի և Մհեր Մկրտչյանի նախաձեռնությամբ վաղը Ազատության հրապարակից մեկնարկում է միաբանության երթ

Կինոպրոդյուսեր Արմեն Գրիգորյանը, դերասան Հրանտ Թոխատյանը և ռեժիսոր Մհեր Մկրտչյանը միաբանության կոչ են հղել:

«Սիրելի՛ հայրենակիցներ:

Սա միաբանության կոչ է:

Ստացվել է այնպես, որ ՀՀ-ում չկա իշխանություն:

Չկա որևէ պետական պատկան մարմին, որը համակարգված և պատասխանատու կերպով կզբաղվի արցախյան պատերազմում անհետ կորած և գերեվարված զինվորներին տուն վերադարձնելու և զոհված զինվորների աճյունները արժանավայել հողին հանձնելու գործընթացներով:

Մենք գիտակցում ենք, որ ճակատագրական այս հարցի լուծման համար թանկ է ամեն րոպեն:

Մենք գիտակցում ենք նաև, որ այս խնդրի հանգուցալուծումը կախված է ամեն հայից՝ անկախ նրա բնակության վայրից:

Այդ իսկ պատճառով, մենք հայտարարում ենք.

վաղը, կիրակի օրը, նոյեմբերի 29-ին` ժ. 12:00-ին, Ազատության հրապարակից մեկնարկում է միաբանության երթ, որի նպատակն է աջակցել մեր զինվորների և զինծառայողների հարազատներին և մեր ձայնը հասցնել միջազգային բոլոր հեղինակավոր կառույցներին:

Կոչ ենք անում բոլոր մեր այն սրտացավ հայրենակիցներին՝ անկախ քաղաքական նախասիրությունից, ովքեր ցանկանում են իրենց մասնակցությունն ունենալ այս կարևորագույն հարցի լուծմանը, միացե՛ք մեզ.

Եվ այսպես.

1. Երթի մասնակիցների հավաքը՝ 11:45-ին Ազատության հրապարակում

2. 12:00՝ երթի մեկնարկը

3. Երթուղի՝ Ազատության հրապարակ - ՌԴ դեսպանատուն

Հետագա բոլոր գործողությունների ու երթուղիների մասին կտեղեկանաք մեր ֆեյսբուքյան էջերից:

Հ.Գ. Խնդրում ենք երթին ներկայանալ միայն մեր զոհված և անհետ կորած հայրենակիցների նկարներով, տղաների անվտագության նկատառումներից ելնելով ՝բացառելով գերեվարվածների նկարների առկայությունը»:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել