pastinfo.am: Արցախցի կանայք և երեխաները ՀՀ-ում՝ Գերմանիայի դեսպանատան դիմաց հանդիպում են պահանջում դեսպանի հետ։ Լիանա Ադամյանը լրագրողների հետ զրույցում հայտնեց, որ պարոն դեսպանը տեղում չէ, բայց իրենց պատրաստ է ընդունել փոխդեսպանը՝ մեկ հոգու։
«Նախաձեռնող խումբը երեք հոգի է, հիմա այդ բանակցություններն են ընթանում, որ անձամբ հանձնենք մեր նամակ-պահանջը»,- նշեց Ադամյանը։
Ինչ վերաբերում է միջազգային այլ կառույցներին փոխանցված նամակներին, Ադամյանը հայտնեց, որ ԱՄՆ դեսպանատան հետ կապված նամակագրության ընթացակարգը պահպանվում է, ընտրություններից հետո կա պայմանավորվածություն, որ կասեն օր և ժամ հանդիպման համար։ կանայք պահանջում են անձամբ տիկին Թրեյսիին հանդիպումը, իսկ նամակի առումով դեռևս պատասխան են սպասում։
Ինչ վերաբերում է ԵՄ-ին, Ադամյանը տեղեկացրեց, որ իրենց ընդունել են, քննարկումներ է եղել, որոնք չեն հանրայնացվի այս պահին։
Սիրանուշ Սարգսյանն էլ լրագրողների հետ զրույցում ասաց, որ նամակները ևս մեկ միջոց է բարձրացված հարցերի մասին տեղեկացնելու և, թեև վստահ են, որ այն ամենն ինչ իրենք խոսում են, ներկայացվում է, բայց նամակն ամրագրում է ցույցների արդյունքները։
Ռազմական գործողություններն ընթանում են արդեն 40 օր։
comment.count (0)