shantnews.am: ԱՄՆ դեմոկրատ սենատոր Էդ Մարկին կոչ է արել ԱՄՆ պետքարտուղար Մայք Պոմպեոյին Հայաստանի և Ադրբեջանի միջև անհապաղ հասնել հրադադարի, մղել ԼՂ հակամարտության բանակցային լուծման։ Ուրբաթ նախատեսված է, որ Պոմպեոն առանձին հանդիպումներ կունենա ՀՀ և Ադրբեջանի ԱԳ նախարարների հետ։ Սենատորն իր հայտարարությա մեջ նշել է, որ հրադադարի նախորդ երկու պայմանավորվածություններն անմիջապես խախտել են, և որ Թուրքիան հայ ժողովրդի դեմ կռվի է ուղարկում սիրիացի զինյալների։
«Քանի դեռ Ադրբեջանը շարունակում է ռազմական ուժի ապօրինի օգտագործմամբ այս հակամարտության լուծման իր փորձերը, Արցախի Հանրապետության անկախության ճանաչումից բացի, միջազգային հանրությանն այլընտրանք չի մնում»,-նշել է նա՝ հավելելով, որ պետքարտուղարն ու նախագահ Թրամփը պետք է իրենց ավտորիտար բարեկամի համար հստակեցնեն, որ այդ հակամարտությունում նրա հետագա ներգրավվածությունը վերջ կդնի ռազմական աջակցությանն ու վարչակազմի հետ ջերմ հարաբերություններին։
comment.count (0)