tert.am: ՌԴ փոխարտգործնախարար Անդրեյ Ռուդենկոն Մոսկվայում ընդունել է ՌԴ-ում Գերմանիայի Դաշնային Հանրապետության արտակարգ և լիազոր դեսպան Գեզա Անդրեաս ֆոն Հայրին:
Ինչպես փոխանցում է ՌԴ ԱԳՆ-ն, կողմերը հանդիպման ժամանակ քննարկել են նաև Լեռնային Ղարաբաղում տիրող իրավիճակը:
«Մտքերի և գնահատականների օգտակար փոխանակում է կայացել ԱՊՀ տարածքում տիրող իրավիճակի, մասնավորապես ղարաբաղյան հակամարտության գոտում շարունակվող ռազմական գործողությունների վերաբերյալ: Հաստատվել է, որ Ռուսաստանի, Ադրբեջանի և Հայաստանի ԱԳ նախարարների՝ հոկտեմբերի 10-ի համատեղ հայտարարության դրույթների իրականացմանն այլընտրանք չկա»,- ասվում է ԱԳՆ հայտարարության մեջ:
comment.count (0)