18:09 - 12 հոկտեմբերի, 2020
Ռումինիայի արտգործնախարարը հորդորում է խստորեն հետևել կրակի դադարեցման համաձայնությանը |armenpress.am|
armenpress.am: Ռումինիան կոչ է անում խստորեն հետևել կրակի դադարեցման համաձայնությանը Լեռնային Ղարաբաղում: Այս մասին հայտարարել է Ռումինիայի ԱԳ նախարար Բոգդան Աուրեսկոն՝ մասնավորեցնելով, թե ինչ է ասելու ԵՄ արտաքին գործերի նախարարների հանդիպմանը:
Հանդիպումից առաջ նա նշել է. «Ես կհայտնեմ Լեռնային Ղարաբաղի վերաբերյալ Ռումինիայի տեսակետն առ այն, որ իրավիճակը շատ մտահոգիչ է ՝ հաշվի առնելով հակամարտության աննախադեպ սրությունը: Եվ ես շատ խիստ կոչով կդիմեմ կողմերին՝ վերսկսել երկխոսությունը և սկսել քննարկումները՝ խաղաղության վերաբերյալ ու խստորեն հետեւել վերջերս համաձայնեցված հրադադարին, որն արդեն խախտվել է»:
Նախարարը նաև նշել է, որ կքաջալերի Գերագույն ներկայացուցչին՝ շարունակելու սերտորեն համագործակցել ինչպես ադրբեջանցիների, այնպես էլ հայերի հետ `լավ լուծում գտնելու և խնդրով քննարկումները վերսկսելու համար՝ ԵԱՀԿ Մինսկի խմբի համանախագահների միջնորդական ջանքերի շրջանակներում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)