ԱՄՆ-ն խիստ մտահոգված է գերմանացի բժշկական փորձագետների նախնական զեկույցներով, ըստ որոնց՝ ռուսաստանյան ընդդիմադիր գործիչ Ալեքսեյ Նավալնին թունավորվել է։ Այս մասին ասվում է Պետքարտուղարության տարածած հայտարարությունում։

«Եթե ապացուցվի, որ նախնական տվյալները ճիշտ են, ԱՄՆ սատարում է ԵՄ-ի կոչը՝ անցկացնելու համապարփակ ուսումնասիրություն, և պատրաստ է աջակցել հետաքննությանը»,- հայտնել են Պետքարտուղարությունից։