lragir.am: Բելառուսի մայրաքաղաք Մինսկի թիվ 170 միջնակարգ դպրոցում գտնվող ընտարտեղամասի հանձնաժողովի անդամ, մաթեմատիկայի ուսուցչուհի Սվետլանա Խարևիչը, որը հրաժարվել է ստորագրել ամփոփիչ արձանագրությունը, պատմել է, թե ինչպես են ձայները կեղծվել հօգուտ երկրի գործող նախագահ Ալեքսանդր Լուկաշենկոյի։ Այս մասին հայտնում է tut.by կայքը։

Նրա խոսքով, ձայները հաշվելուց հետո Լուկաշենկոյի օգտին կար 157 քվե, իսկ հիմնական մրցակցի՝ Սվետլանա Տիխանովսկայայի օգտին՝ 817։ Հանձնաժողովի մյուս անդամները, սակայն, պատռեցին այդ արձանագրությունը և նոր թվեր գրեցին՝ 1100 Լուկաշենկոյի օգտին, 78՝ Տիխանովսկայայի։

Մինսկի մեկ այլ դպրոցի քիմիայի ուսուցչուհի Դարյա Մաման պատմել է, որ Տիխանովսկայան այդ ընտրատեղամասում ստացել է 588 ձայն, սակայն ամփոփիչ արձանագրությունում գրել են 450։ Դարյա Մաման ասել է, որ ինքը չի ստորագրել այդ արձանագրությունը։