shantnews.am: Կատալոնիայի խորհրդարանը ողջունել է բանաձևը, որում ասվում է, որ տարածաշրջանը չի ճանաչի Իսպանիայի թագավոր Ֆիլիպպ VI-ին: Նախաձեռնությունը ողջունել են ինքնավար համայնքի անկախության կողմնակից քաղաքական ուժերը, հղում անելով El Periodico-ին՝ հայտնում է TASS-ը:
Լիագումար նիստը տեղի է ունեցել Կատալոնիայի կառավարության ղեկավար Կիմ Թորիի համապատասխան խնդրանքից հետո: Դրանում քննարկվում էր «Իսպանական միապետության ճգնաժամի հետևանքով առաջացած քաղաքական իրավիճակը»: «Խորհրդարանը հայտնում է, որ Կատալոնիան հանդիսանում է հանրապետական, այդ պատճառով չի ճանաչում և չի ուզում ունենալ որևէ թագավոր»,-նշվում է փաստաթղթի տեքստում:
Առաջին դեպքը չէ, երբ Կատալոնիայի խորհրդարանը քվեարկում է նման բանաձևի շուրջ: Հուլիսի 21-ին տարածաշրջանային պալատը հաստատել էր Իսպանիայի Սահմանադրության 155-րդ հոդվածի կիրառումը հետաքննելու հանձնաժողովի եզրակացությունները, որոնք սահմանափակում էին տարածաշրջանի ինքնակառավարումը 2017 թվականի անջատողական ճգնաժամի թեժ պահին:
comment.count (0)