«Հայոց եկեղեցու պատմություն» առարկան համադրվելու է «Հայ ժողովրդի պատմության» հետ. Մակունց |armtimes.com|
16:46 - 08 հուլիսի, 2020

«Հայոց եկեղեցու պատմություն» առարկան համադրվելու է «Հայ ժողովրդի պատմության» հետ. Մակունց |armtimes.com|

armtimes.com: Քրիստոնեության և Հայ եկեղեցու դերը թե՛ հայապահպանման գործում, թե՛ հայոց լեզվի և հայագիտության պահպանման գործում, թե՛ ընդհանրապես պետության համար շատ կարևոր դեր են ունեցել, և այդ հատվածը մեր պատմության ամենակարևոր բաղկացուցիչ մասերից մեկն է։ Կարծում եմ՝ Էջմիածնի հետ համատեղ քննարկման արդյունքում հնարավոր է ընդհանուր եզրակացության գալ։ Այս մասին այսօր լրագրողների հետ ճեպազրույցում ասաց ԱԺ «Իմ քայլը» խմբակցության ղեկավար Լիլիթ Մակունցը՝ անդրադառնալով ԿԳՄՍ նախարարության՝ «Հայոց եկեղեցու պատմություն» առարկան դպրոցական ծրագրում չներառելու նախագծին։

«Առարկան համադրվելու է հայ ժողովրդի պատմության հետ, և բովանդակային առումով որևէ փոփոխություն չի լինելու, այսինքն՝ բացարձակ փոփոխության չի ենթարկվելու առարկայի բովանդակային հատվածը, սա այն է, ինչ փոխանցել են ինձ նախարարությունից»,- նշեց Մակունցը։

Նա ասաց, որ առաջիկայում այս կապակցությամբ պատրաստվում է Հայր Ասողիկի հետ հանդիպում ունենալ։

Իշխանությունների՝ Հայ եկեղեցու դեմ իրականացվող արշավին անդրադառնալով՝ Մակունց նշեց, որ այդ պնդումը չի համապատասխանում իրականությանը։


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել