13:38 - 30 հունիսի, 2020
Խոսրովի անտառին հարակից Խաչաձորի հատվածում ձկնաբուծական նպատակով իրականացվել է ջրառ առանց թույլտվության
2020 թվականի հունիսի 26-ին ՀՀ բնապահպանության և ընդերքի տեսչական մարմնի Արարատի տարածքային բաժնի աշխատակիցները հայտնաբերել են ապօրինի ջրօգտագործման դեպք։ Այս մասին հայտնում են տեսչական մարմնից:
ՀՀ Արարատի մարզի Գոռավան համայնքի բնակիչ Ա. Պետրոսյանը ձկնաբուծական նպատանով նույն մարզի Եղեգնավան համայնքի վարչական տարածքի «Խոսրովի անտառ պետական արգելոց» ՊՈԱԿ-ի հարակից Խաչաձորի հատվածում Վեդի գետից իրականացրել է ջրառ առանց համապատասխան ջրօգտագործման թույլտվության։
Խախտվել է ՀՀ ջրային օրենսգրքի 21-րդ հոդվածի պահանջները (ցանկացած տեսակի ջրօգտագործման համար յուրաքանչյուր ոք պարտավոր է ստանալ ջրօգտագործման թույլտվություն)։
Հարուցվել է վարչական վարույթ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)