armtimes.com: Վարչապետ Նիկոլ Փաշինյանը պարետատան նիստից հետո այսօր՝ ժամը 18:00-ին հանդես կգա բրիֆինգով, որին կմասնակցեն նաև փոխվարչապետ, պարետ Տիգրան Ավինյանը և Առողջապահության նախարարության հիվանդությունների վերահսկման և կանխարգելման ազգային կենտրոնի գլխավոր տնօրեն Արտավազդ Վանյանը: Այս մասին տեղեկացրել է վարաչպետի աշխատակազմի տեղեկատվության և հասարակայնության հետ կապերի վարչությունը:
Բրիֆինգի ընթացքում վարչապետը և մյուս մասնակիցները կպատասխանեն երկու հարցի: Վարչապետի լրատվական ծառայությունը, ինչպես միշտ յուրաքանչյուր բրիֆինգից առաջ կապ կհաստատի երկու լրատվամիջոցի հետ՝ վերջիններիս հետաքրքրող հարցերը ստանալու նպատակով: Այդ հարցերը կհնչեցվեն ուղիղ եթերում:
Բրիֆինգն ուղիղ եթերում հեռարձակվելու է Հայաստանի Հանրային հեռուստաընկերությամբ՝ բաց կապուղիով, ՀՀ կառավարության յութուբյան պաշտոնական ալիքով, վարչապետի և կառավարության ֆեյսբուքյան պաշտոնական էջերով:
comment.count (0)