Նորություններ կորոնավիրուսի մասին, աշխարհ, 25․05․20 (թարմացվող)
23:20 - 25 մայիսի, 2020

Նորություններ կորոնավիրուսի մասին, աշխարհ, 25․05․20 (թարմացվող)

21:12-  ՌԴ նախագահի մամուլի քարտուղար Դմիտրի Պեսկովը մայիսի 25-ին դուրս է գրվել հիվանդանոցից, որտեղ բուժում էր ստանում կորոնավիրուսի դեմ: [ՌԻԱ Նովոստի] |armenpress.am|


17։38- Աշխարհում COVID-19-ով վարակվածների թիվն անցել է 5 միլիոն 525 հազարից: Մահացածների թիվն անցել է 347 հազարից: Ապաքինվել է 2 միլիոն 315 հազար 909 մարդ: Վարակվածների թվով առաջին տեղում է շարունակում մնալ ԱՄՆ-ն, երկրորդ տեղում՝ Բրազիլիան, երրորդ տեղում՝ Ռուսաստանը։|armenpress.am|

 

16։45-  Ճապոնիայի վարչապետ Սինձո Աբեն այսօր հայտարարել է, որ առաջիկա ժամերին կվերացվի Տոկիոյում և մերձակա չորս նահանգներում հաստատված արտակարգ դրության ռեժիմը: Աբեի խոսքով, սակայն, սահմանափակումները կրկին կգործարկվեն, եթե կորոնավիրուսի տարածման շուրջ իրավիճակը երկրում կրկին վատթարանա: Այսօրվա դրությամբ՝ Ճապոնիայում կորոնավիրուսի 16 հազար 600 դեպք է արձանագրվել, 839 մարդ մահացել է: |azatutyun.am|

 

15։07- Չեռնոգորիան հաջողությամբ հաղթահարել է կորոնավիրուսը։ Երկրում չկան վարակվածներ։ Այս մասին հայտնել է երկրի նախագահ Միլո Ջուկանովիչը։ Հանրային առողջության ինստիտուտը տեղեկացրել է, որ վերջին 68 օրվա մեջ առաջին անգամ երկրում վարակի նոր դեպք չի գրանցվել, իսկ բոլոր վարակվածները բուժվել են։ |armenpress.am|

 

13։43-  Միացյալ Նահանգներն արգելում է այն օտարերկրացիների մուտքը երկրի տարածք, որոնք վերջին երկու շաբաթների ընթացքում գտնվել են Բրազիլիայում: Այս որոշումը հրապարակվել է այն բանից հետո, երբ կորոնավիրուսի վարակակիրների թվով Բրազիլիան աշխարհում զբաղեցրել է երկրորդ տեղը` առաջ անցնելով Ռուսաստանից: |azatutyun.am|

 

11։14-  ԱՄՆ նախագահ Դոնալդ Թրամփը հայտարարել է, որ իր տարեկան աշխատավարձը՝ 400-ից մինչև 450 ԱՄՆ դոլար, կնվիրաբերի կորոնավիրուսի դեմ պայքարի համար։

 

11։12- Ռոսպոտրեբնադզորի ղեկավար Աննա Պոպովան երեկ հայտնել է, որ Ռուսատանի Դաշնության 85 տարածաշրջաններից 44-ն արդեն պատրաստ են անցնել սահմանափակումների վերացման առաջին փուլին։ |ria.ru|

 

10։15- Աշխարհում COVID-19-ով վարակվածների թիվն անցել է 5 միլիոն 502 հազարից: Մահացածների թիվն անցել է 346 հազարից: Ապաքինվել է 2 միլիոն 302 հազար 469 մարդ: Վարակվածների թվով առաջին տեղում գտնվող ԱՄՆ-ում 1 միլիոն 686 հազար 436 հաստատված դեպք կա: Այստեղ մահացածների թիվը 99 հազար 300 է: Ընդհանուր ցուցանիշով երկրորդ  տեղում հայտնված Բրազիլիայում հաստատված դեպքերի թիվը հասել է 365 հազար 213-ի, մահերինը՝ 22 հազար 746-ի: Հաջորդ տեղում Ռուսաստանն է, որտեղ ընդհանուր առմամբ կորոնավիրուսով վարակվել է 344 հազար 481 մարդ, վարակի հետևանքով մահացել է՝ 3 հազար 541-ը: |armenpress.am|

 

10։11- Վրաստանում կորոնավիրուսի վարակի հաստատված դեպքերն՝ ըստ վերջին տվյալների․

Հաստատված դեպքեր- 731 (+1)
Առողջացածներ- 526
Մահեր- 12 |stopcov.ge|

 

Նորություններ կորոնավիրուսի մասին, աշխարհ, 26․05․20

Կորոնավիրուսի շուրջ զարգացումներ, Հայաստան, 25․05․20

Նորություններ կորոնավիրուսի մասին, աշխարհ, 24․05․20


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել