news.am: Գերմանիան հույս ունի մինչեւ հունիսի 15-ը դեպի արտասահման տուրիստական ուղեւորությունների վերաբերյալ նախազգուշացումը փոփարինել ավելի մեղմ կողմնորոշիչներով: Այս մասին հայտարարել է Գերմանիայի արտգործնախարար Հեյկո Մաասը, փոխանցում է Reuters-ը:
«Հունիսի 15-ն այն օրն է, երբ մենք պետք է որոշում կայացնենք՝ կչեղարկենք արդյոք ուղեւորությունների մասին համաշխարհային նախազգուշացումը, թե ոչ, եւ մենք աշխատում ենք ուղեւորությունների մասին այդ նախազգուշացումն այլ սկզբունքներով փոխարինելու ուղղությամբ», - ասել է Մաասը:
Ըստ նրա՝ ամառային արձակուրդներին պետք է պատասխանատու ձեւով մոտենալ, եւ դեռ շատ վաղ է խոսել այն մասին, թե որ երկրներում գերմանացիները կկարողանան անցկացնել իրենց արձակուրդը:
Նա նաեւ նշել է, որ կորոնավիրուսի երկրորդ ալիքի դեպքում անհրաժեշտ կլինի նոր սահմանափակումներ մտցնել:
comment.count (0)