Քննարկվում է Երեւանի քաղաքապետարանի նոր հիմնարկի կառուցվածքը եւ հաստիքացուցակը |lragir.am|
12:24 - 17 հունիսի, 2019

Քննարկվում է Երեւանի քաղաքապետարանի նոր հիմնարկի կառուցվածքը եւ հաստիքացուցակը |lragir.am|

lragir.am: Երևանի ավագանու այսօրվա արտահերթ նիստում քննարկվում է «Երևանի աղբահանություն և սանիտարական մաքրում» համայնքային հիմնարկի կառուցվածքը, աշխատակիցների թվաքանակը, հաստիքացուցակը, պաշտոնեական դրույքաչափերը նախագիծը:

Երևանի փոխքաղաքապետ Հայկ Սարգսյանը հիշեցրեց, որ ավագանու որոշմամբ արդեն ստեղծվել է այս հիմնարկը:

Նախագծի համաձայն՝ հիմնարկի տնօրենի աշխատավարձի հաստիքի չափը 850 հազար դրամ է, փոխտնօրենինը՝ 650 հազար դրամ: Գլխավոր ինժեների հաստիքի համար սահմանված է 600 հազար, ֆինանսատնտեսական բաժնի պետ-գլխավոր հաշվապահի հաստիքի համար՝ 650 հազար, աղբահանության կառավարման և համակարգման բաժնի պետ՝ 500 հազար, տեխնիկական միջոցների պատասխանատու ինժեներ՝ 400 հազար դրամ և այլն: Հավաքարարների համար սահմանված է 200 հազար դրամ աշխատավարձ:
Հայկ Սարգսյանն ասաց, որ նաև պարգևատրման ֆոնդ է նախատեսվում աշխատակիցների համար:

«Կարծում եմ՝ աշխատավարձերը բարձր են մի փոքր, և դրա հիմնավորումն ունենք: Այս ընկերության տնօրենի աշխատավարձն անգամ քաղաքապետի աշխատավարձից բարձր է: Կարծում ենք՝ դա օրինաչափ է՝ կախված այն ծավալից ու աշխատանքի բնույթից, որն իրականացվելու է այս հիմնարկի կողմից:

Այս հիմնարկն իրականացնելու է քաղաքապետի ամենակարևոր լիազորություններից մեկը՝ աղբահանության իդեալական վիճակի ապահովումը: Համենայնդեպս մեր հավականությունները սրանք են այս ընկերության նկատմամբ: Մեր ուսումնասիրությունները ցույց տվեցին, որ ձախողումների պատճառներից մեկը նաև ոչ բավարար վարձրատրությունն է եղել»,- ասաց փոխքաղաքապետը:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել