azatutyun.am: Հյուսիսային Կորեայի պետական հեռուստաընկերությունը ուրբաթ օրը հայտնել է նոր հրթիռային արձակումների մասին, որոնց անձամբ ներկա է եղել երկրի առաջնորդ Կիմ Չեն Ունը:
Հարավային Կորեայի ռազմական գերատեսչության տվյալներով՝ փորձարկվել է երկու հրթիռ՝ 420 և 270 կիլոմետր հեռահարությամբ: Հրթիռներն ընկել են ծովը:
Հյուսիսկորեական հեռուստաընկերության ռեպորտաժում նշվում է, որ Կիմը Չեն Ունը հրամայել է բարձրացնել բանակի հարվածային ներուժը:
Սա վերջին մեկ շաբաթվա ընթացքում արդեն երկրորդ հրթիռային արձակումն է Հյուսիսային Կորեայի կողմից: Փորձագետները Փհենյանի այս քայլերը պայմանավորում են Կիմ Չեն Ունի և ԱՄՆ նախագահ Դոնալդ Թրամփի բանակցությունների տապալմամբ:
Երկու երկրների առաջնորդները չեն կարողացել պայմանավորվածության հասնել Հյուսիսային Կորեայի լիակատար զինաթափման և արևմտյան պատժամիջոցների չեղարկման շուրջ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)