Տրանսպորտի խնդրի չլուծվելու դեպքում կհասկանանք, թե արդյոք նոր մրցույթներ ենք սահմանում. Վանաձորի քաղաքապետ |aysor.am|
08:55 - 23 մայիսի, 2019

Տրանսպորտի խնդրի չլուծվելու դեպքում կհասկանանք, թե արդյոք նոր մրցույթներ ենք սահմանում. Վանաձորի քաղաքապետ |aysor.am|

aysor.am։ Հույս ունեմ՝ Վանաձորում բողոքող վարորդների խնդիրը կլուծվի։ Շուկայական հարաբերություններ են, մենք պայմանագրեր ունենք կնքած։ Եթե ոչ՝ կհասկանանք, թե ինչ միջոցներ ենք ձեռք առնում, ինչ այլընտրանքներ ենք հայթայթում կամ նոր մրցույթներ սահմանում,  ասաց Վանաձորի քաղաքապետ Մամիկոն Ասլանյանը՝ անդրադառնալով այսօր առավոտվանից երթուղայինների վարորդների բողոքի ակցիային։

«Իրարամերժ կարծիքներ կան՝ մի մասը գնի հետ կապված, մի մասը՝ որակի, մի մասն էլ՝ օգտակար գործողության գործակցի։ Հիմա փորձում ենք հասկանալ՝ ինչումն է երթուղին սպասարկող ընկերությունների և վարորդների խնդիրը։ Կարծում եմ՝ շուտով հարցը կկարգավորվի», - ասաց քաղաքապետը՝ միաժամանակ հավելելով, որ մի քանի երթուղային, այնուամենայնիվ, սպասարկում է քաղաքացիներին։

Մամիկոն Ասլանյանի խոսքով՝ վարորդներն իր հետ զրույցում ասել են, որ բնական գազի չափման նոր միավոր սահմանելուց` խորանարդ մետրը կիլոգրամներով փոխարինելուց հետո, իրենց մոտ հավելյալ ծախսեր են առաջացել։

«Ամեն դեպքում, երթուղի դուրս գալուց հրաժարված վարորդները համայնքային ենթակայության տակ աշխատող անձինք են։
Հիմնականում բողոքում են ներքաղաքային և միջհամայնքային երթուղների վարորդները», - ասաց Վանաձորի քաղաքապետը։


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել