08:13 - 11 հուլիսի, 2019
Տեսչական մարմիններին ծառայողական ավտոմեքենաներ տրամադրելու որոշումը հանվեց նիստի օրակարգից |armenpress.am|
armenpress.am։ Վարչապետ Նիկոլ Փաշինյանի որոշմամբ տեսչական մարմիններին 91 ծառայողական մեքենա տրամադրելու որոշման նախագծերը հանվեցին գործադիրի հուլիսի 11-ի նիստի օրակարգից:
Նախագծերն ընդգրկված էր նիստի չզեկուցվող հարցերի թվում, սակայն Առողջապահության նախարար Արսեն Թորոսյանի առաջարկով հարցերը քննարկվեցին: Թորոսյանը նկատեց, որ ավտոմեքենաների տրամադրման որոշումը խնդրահարույց է և որոշ չափով հակասում է նաև կառավարության որդեգրած քաղաքականությանը:
Քննարկումներից հետո վարչապետը որոշում կայացրեց ավտոմեքենաների տրամադրման վերաբերյալ երկու հարցերը հանել օրակարգից:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)