Վանի, Մարդինի և Դիարբեքիրի քաղաքապետերը պաշտոնանկ են արվել |azatutyun.am|
10:21 - 19 օգոստոսի, 2019

Վանի, Մարդինի և Դիարբեքիրի քաղաքապետերը պաշտոնանկ են արվել |azatutyun.am|

azatutyun.am։ Թուրքիայի իշխանությունները երկրի քրդաբնակ շրջաններում պաշտոնանկ են արել Դիարբեքիրի, Մարդինի և Վանի ընտրված քաղաքապետերին:

Անկարան հայտնել է, որ Ժողովուրդների դեմոկրատական կուսակցության անդամ քաղաքապետերն առնչություն ունեն Քրդստանի բանվորական կուսակցության հետ, որը ահաբեկչական կառույց է համարվում:

Ոստիկանները ձերբակալել են ավելի քան 400 բնակիչների, ինչն էլ ավելի է սրել իրավիճակը Թուրքիայի քրդաբնակ տարածքներում:

«Անընդունելի եմ համարում այս պաշտոնանկությունները, այն, ինչ տեղի է ունենում Դիարբեքիրում, Վանում կամ Մարդինում՝ վկայում է, որ Թուրքիան թևակոխում է մի նոր փուլ: Ինչպես 1999 թվականի մահաբեր երկրաշարժը՝ այսօրվա միջադեպերն էլ կդառնան երկրաշարժ Թուրքիայում դեմոկրատական արժեքների և օրենքի գերակայության համար»,- ասել է Դիարբեքիրի պաշտոնանկ արված քաղաքապետ Սելջուկ Միզրաքլին:

Թուրքիան մտադիր է ընդարձակել ռազմական ներկայությունը Սիրիայում, որտեղ թուրքական բանակի թիրախը քրդական զինյալ ջոկատներն են:

Ենթադրվում է, որ Անկարան փորձում է Սիրիայի սահմանի մոտ գտնվող «անվտանգության գոտի» ստեղծել:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել