armtimes.com: Վանաձորում վաղ առավոտից բողոքի ակցիա և գործադուլ են իրականացնում Վանաձորի երթուղային տրանսպորտը սպասարկող բոլոր գծերի վարորդները:
Երթուղայինների վարորդները մեքենաները կայանել են Հայքի հրապարակում և ուղևորափոխադրումներ չեն իրականացնում: Վարորդների խոսքով, գազի գնի թանկացումից հետո մեկ լիցքավորման ժամանակ տարբերությունը ավելի քան 2000 դրամ է կազմում, հայտնում է «Հայկական ժամանակը»:
Վարորդներն ասում են, որ իրենք չեն սպասարկելու քաղաքացիներին այնքան ժամանակ, մինչև որ մեքենայի գազի գինը չիջեցվի ու իրենք «վնասի փոխարեն կարողանան օգուտով աշխատել, կամ գոնե զրոյով դուրս գան»:
Վարորդների հետ է հանդիպել Վանաձորի քաղաքապետ Մամիկոն Ասլանյանը:
Վանաձորի ներհամայնքային երթուղային գծերի վարորդներին են միացել նաև մարզում միջհամայնքային ուղևորափոխադրումներ իրականացնող երթուղայինների վարորդները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)